
სტატიის ავტორი: სოფი ურიდია
Gen-z თაობას უნიკალური ხედვა გააჩნია, რომელიც გამომდინარეობს მათი ცხოვრების, გამოცდილების, გარემოსა და ტექნოლოგიების გავლენიდან. მათი შეხედულებები განსხვავდება წინა თაობებისგან და ქმნის რაღაც ახლის დასაწყისს.
როგორ აფასებს Gen-z თაობა განათლების სისტემას და რა ცვლილებები სურთ მათ?
Gen-z არის პირველი თაობა, რომელიც დაბადებიდანვე იზრდება ციფრულ სამყაროში. სწორედ ამიტომ მათთვის პრიორიტეტია სწავლების პროცესში ტექნოლოგიებით მხარდაჭერა. მათ ესაჭიროებათ პერასონალიზაცია – ინდივიდუალური მიდგომა. Gen-z უპირატესობას ანიჭებს ინტერაქტიულ და პროექტებზე დაფუძნებულ სწავლებას, რომელიც საშუალებას მისცემს მათ მიიღონ უფრო პრაქტიკული ცოდნა. მათთვის მნიშვნელოვანია განათლების სისტემა, რომელიც მხარს უჭერს ფსიქიკურ ჯანმრთელობას. ეს ყველაფერი კი ქმნის ამ თაობისთვის საუკეთესო სამუშაო გარემოს.
რა გავლენას ახდენს სოციალური მედია Gen-z-ის ფსიქოლოგიურ მდგომარეობაზე?
სოციალურ მედიას დიდი გავლენა აქვს Gen-z ფსიქოლოგიურ მდგომარეობაზე: როგორც დადებითი, ისე ნეგატიური. დადებით გავლენად შეგვიძლია მივიჩნიოთ თვითგამოხატვის საშუალება და შემოქმედების გაზიარება, ასევე ინფორმაციული წყაროების გაცნობა, ახალ ამბებთან წვდომა, ახალი მეგობრების გაჩენა და სხვა. მაგრამ უარყოფითი გავლენაც შესამჩნევია: კიბერბულინგი, თვითშეფასების დაქვეითება, ჩაკეტილობა და სოციალიზაციის დაკარგვა რეალურ ცხოვრებაში და სხვა. სოციალური მედიის გარეშე Gen-z თაობის ყოველდღიურობა წარმოუდგენელია, რასაც სწორედ ამ კონდიციამდე მივყავართ.
რა ოპტიმისტური და პესიმისტური ხედვები აქვს Gen-z-ის მომავლის მიმართ?
Gen-z თაობის ოპტიმალურ ხედვად შეგვიძლია მივიჩნიოთ მათი ტექნოლოგიებისკენ სწრაფვა, რომელიც ყოველდღიურობას უფრო და უფრო ამარტივებს. ასევე ახალი პროფესიებისადმი ინტერესი, ახალი საგანმანათლებლო სისტემები და საინტერესო სწავლების მეთოდები, საკუთარი თავის სხვადასხვა სფეროში გამოცდა. პესიმისტურ ხედვად კი შეგვიძლია მივიჩნიოთ წარუმატებლობის შიში, სოციალური იზოლაცია და ნაკლები თავდაჯერებულობა. Gen-z თაობისთვის მომავალზე ფიქრს და მიზნებისაკენ სწრაფვას დიდი ადგილი უჭირავს.
რა დამოკიდებულება აქვს Gen-z თაობას ოჯახისა და მშლობლების მიმართ? როგორ განსხვავდება მათი შეხედულებები წინა თაობებისგან?
Gen-z თაობას ახასიათებს ღია და პირდაპირი კომუნიკაციის სტილი, Gen-z ხშირად აფასებს მშობლების მხარდაჭერას განათლებისა და კარიერული მიზნების მიღწევის გზაზე . ისინი ხედავენ, რომ მათი ოჯახები მზად არიან თავიანთი ფინანსური რესურსები და დრო შესწირონ შვილების წარმატებას. თუმცა, წინამორბედი თაობებისგან განსხვავებით, Gen-z ბევრად დამოუკიდებელია გადაწყვეტილებების მიღების პროცესში. მათთვის უფრო დიდი მნიშვნელობა აქვს პირად სივრცესა და დამოუკიდებლობას. Gen-z ცდილობს გახდეს დამოუკიდებელი და ინოვატორი.
და ბოლოს შენი აზრით, რით არის gen-z თაობა განსაკუთრებული?