პოლიტიკური პორტრეტები: უინსტონ ჩერჩილი, შარლ დე გოლი და დონალდ ტრამპი
სტატიის ავტორი: გიორგი მაისურაძე
ეს სამი პოლიტიკური ფიგურა ცნობილია ძლიერი ნაციონალური ტენდენციებითა და მათი სამშობლოსათვის გაწეული ღვაწლით, თუმცა მათი იდეოლოგიები, მმართველობის ტიპი და ისტორიული კონტექსტი მნიშვნელოვნად განსხვავდება ერთმანეთისგან.
უინსტონ ჩერჩილი (1874-1965)
ჩერჩილი განსახიერებაა შეუპოვრობისა და კრიზისის დროს საუკეთესო ლიდერობისა. ეს გამომჟღავნდა განსაკუთრებით მეორე მსოფლიო ომში. იგი ხშირად მოიხსენიება ადამიანად, რომელმაც დიდ ბრიტანეთს კრიზისი დააძლევინა.
მიღწევები
გაერთიანებული სამეფოს პრემიერ-მინისტრობის დროს მან ბრიტანელ ხალხს მისცა ალიანსის შექმნის მოტივაცია ნაცისტური გერმანიის წინააღმდეგ.
მან ხელი შეუწყო გაერთიანებული ერების ორგანიზაციისა და ნატოს შექმნას, რომლებიც მიუხედავად დიდი გამოწვწვბისა და სირთულეებისა, დღესდღეობითაც უძლიერესი გაერთიანებებია.
უინსტონ ჩერჩილის მიზანი იყო ნაცისტური გერმანიის დამარცხება, დიდი ბრიტანეთის იმპერიის გაძლიერება და მისი სუვერენიტეტის დაცვა, ასევე დასავლური ალიანსების კომუნიზმის წინააღმდეგ გამოყენება.
შარლ დე გოლი (1890-1970)
შარლ დე გოლი განასახიერებს საფრანგეთის დამოუკიდებლობას, გამძლეობასა და ეროვნულ სიამაყეს. იგი აღიარებულია თანამედროვე საფრანგეთის არქიტექტორად და სუვერენიტეტის დამცველად.
მიღწევები
მეორე მსოფლიო ომის დროს სათავეში ჩაუდგა ფრანგულ ძალებს ნაცისტური გერმანიის წინააღმდეგ.
დააფუძნა მეხუთე რესპუბლიკა, რომელმაც საფრანგეთის პრეზიდენტს აღმასრულებელი უფლებამოსილება მიანიჭა.
1962 წელს ალჟირის დამოუკიდებლობის შესახებ მოლაპარაკებები აწარმოა, დიდი წვრილი შეიტანა ალჟირის ომის დასრულებაში.
მისი მიზანი იყო საფრანგეთის აღდგენა და გაძლიერება მეორე მსოფლიო ომის შემდეგ, საფრანგეთის დაცვა ამერიკისა და საბჭოთა კავშირის გავლენისგან.
დონალდ ტრამპი
ტრამპი, როგორც ამერიკის პრეზიდენტი, განასახიერებს ნაციონალიზმსა და პრაგმატულ რაციონალიზმს.
მიღწევები
ტრამპმა 2017 წელს მოაწერა ხელი გადასახადების შემცირების აქტს. მან გარდაქმნა უზენაესი სასამართლო, დანიშნა 3 კონსერვატორი, რომლებმაც სასამართლო ბალანსი შეცვალეს.
მან ძალიან ბევრი საგარეო პოლიტიკური აქტი განახორციელა პრეზიდენტობისას. მან აწარმოა მოლაპარაკებები თალიბანთან, არაბულ ქვეყნებსა და ისრაელს შორის ურთიერთობა დაარეგულირა, აქცენტი ამერიკის ენერგეტიკულ დამოკიდებლობაზე გააკეთა. თანამედროვე ვითარებაში მისი მიზანია, აღადგინოს და განამტკიცოს ამერიკის ლიდერობა მსოფლიოში.
მიზნები
ამერიკის შეერთებული შტატების ინტერესების პრიორიტეტად ქცევა, ეკონომიკური, ქვეყნის შიდა განვითარება, არალეგალ მიგრანტებთან ბრძოლა.
რომ შევაჯამოთ ყველაფერი:
ჩერჩილი და დე გოლი იყვნენ ლიდერები საომარ ვითარებაში, რომლებმაც თავიანთი ქვეყნების გადარჩენასა და გაძლიერებაზე გაამახვილეს ყურადღება, ხოლო ტრამპი არის პოლიტიკური ლიდერი, რომელმაც პოლიტიკაში შესვლა ბიზნესით მოახერხა. მან გავლენა მოახდინა არა მხოლოდ ამერიკაზე, არამედ შეცვალა გლობალური პოლიტიკა.
